Një repikë e gjatë është zhvilluar mes kryeministrit Edi Rama dhe Sali Berishës, debat që ka degjeneruar në fyerje personale mes njëri-tjetrit.
Teksa ish kryeministri demokrat Berisha e akuzonte për aksionet e bashkëshortes së kryeministrit në një bankë private, Rama i përgjigjet ashpër, duke i thënë se “familjes time ti hash atë që nuk thuhet…”.
Rama e pyet Berishën nëse mund të kalojë oqeanin, duke nënkuptuar se ish kryeministrit nuk i lejohet të shkojë në Amerikë.
Por më pas akuzat kanë degjeneruar edhe më tutje, ku Berisha tha se Rama është nga ata që mohon djalin e vet, akuzon të atin për tradhëti, akuza që Rama iu përgjigj kështu:
“Vetëm ilustrove atë që të thashë, ilustrove që nuk ke lidhje me asnjë libër të vjetër ose të rri të rreugllave të bashkëjetesës shqiptare. Në vitin 2000 ti së bashku me disa rreth teje ke fabrikuar një dokument falso, sipas të cilit unë kam bërë gjyq dhe sipas të cilit unë kam mohuar atësinë e djalit tim. Je ti që e ke bërë këtë gjë, e ke ushqyer këtë gjë, që ke shkaktuar dhimbje e lot në familjen time, por vizat e mallit e vizat e bardha e ndolle., unë skam lidhje as me vizat e madhe e të bardh ti shiko vizat e kuqe që të ndajnë ty me përtej oqeanin”, tha Rama.
Por Berisha ka vijuar më tej duke thënë se ka qenë Ilir Meta ai që e ka detyruar të njohë djalin se “përndryshe s’do të votonte për kryetar bashkie”.