Pas përfundimit të seancës plenare, Sali Berisha deklaroi se Lindita Nikolla futi në rend dite pas miratimit të Rezolutës për sulmin e Kosovës, kërkesën e opozitës për ngritjen e komisioneve Hetimore.
Sipas Sali Berishës, ky veprim i ishte jo vetëm tinëzar, por një akt rrugaçërie i papërsërishtshëm.
“Pak çaste më parë shqiptarët panë një akt rrugaçërie të papërsëritshëm. Ajo që kryen detyrën e kryetarit, faktikisht, një njeri i keqpërdorur nga Rama, duke shkelur me të dyja këmbët rregulloren, futi në rend dite pasi u votua Rezoluta, atë që s’mund të ndodhte kurrë. Në çdo parlament rendi miratohet në mëngjes. Në mënyrë tinëzare, futi kërkesat e opozitës për ngritjen e Komisioneve Hetimore”, tha Berisha.