Policia mëngjesin e ditës së sotme njofton për rënien e një zjarri në katin e katër të një pallati. Sipas burimeve mësohet se ka vetëm dëme materiale.
Shërbimet e Policisë mbërritën menjëherë në vendngjarje dhe bënë evakuimin e menjëhershëm të banorëve të pallatit.
Ngjarja ndodhi rreth orës 07:58 në vendin e quajtur “Te Katrori”. Në vendngjarje ndodhen forcat zjarrfikëse të cilat po punojnë për fikjen e zjarrit.
Vijon puna nga Grupi Hetimor për zbardhjen e rrethanave të ngjarjes dhe përcaktimin e shkakut të rënies së zjarrit.