Policia e Shtetit ka shoqëruar disa persona të etiketuar si “problematikë” dhe të përfshirë në akte dhune në protestën e një dite më parë të opozitës.
Mësohet se janë shoqëruar 65 persona, 40 prej të cilëve janë arrestuar dhe 25 të tjerët janë marrë në pyetje.
Të paktën dhjetë efektivë morën lëndime nga mjetet e forta në protestën e të dielës. E mes të plagosurve janë dhe 4 protestues.
Gjatë protestës së djeshme, policia iu bëri vazhdimisht thirrje në megafon protestuesve dhe organizatorëve të protestës për të mos hedhur lëndë piroteknike pasi rrezikohet jeta e policëve.
Thirrje iu është bërë edhe kreut të PD-së, Lulzim Basha dhe sekretarit organizativ Gazment Bardhi që të marrin masa që protestuesit të ndërpresin veprimet e dhunshme.