Blihet për 120 mijë dollarë nga një blerës anonim, bluza e basketbollit e mbajtur nga Barack Obama.
Ai e ka mbajtur veshur këtë bluzë në vitin 1979, kohë në të cilën luante në Punahou School të Honolulu.
Shifra prej 120 mijë dollarësh u pranua pas 27 ofertave që ka pasur në total, pohon Eric Bradley, përgjegjës i Heritage Auctions të Dallas ( ku u bë ankandi).
“Nuk e prisnim që të kishte një interes kaq të lartë. Ne do të japim një pjesë të madhe të këtij fondi për shkollën’, – tha ai.
Ish-presidenti Obama, ka qenë gjithmonë i dhënë pas basketbollit.
Megjithëse ishte shumë i ngarkuar me punë, Obama rregullisht ndiqte ndeshjet e klubit më të cilin ishte tifoz, bëhet fjalë për Chicago Bulls.