Sekretari i Shtetit i SHBA Anthony Blinken, së fundmi ka deklaruar se një pushtim i ri rus i Ukrainës mund të fillojë në çdo kohë madje edhe gjatë Lojërave Olimpike, duke shtuar se Moska ende po dërgonte trupa në kufirin afër Ukrainës.
Blinken deklaratat i ka bërë pas takimit të kuartetit, grupit joformal të Shteteve të Bashkuara, Australisë, Indisë dhe Japonisë.
Vërejtjes së zymtë të kreut të diplomacisë amerikane i ka paraprirë apeli i drejtpërdrejtë i Presidentit Biden drejtuar qytetarëve amerikanë që të largohen nga Ukraina. Ndërkohë Biden në një intervistë për mediat është shprehur se qytetarët amerikanë duhet të largohen nga Ukraina.