Përjashtohen me 10 ditë 8 deputetët e opozitës që bllokuan një ditë më parë foltoren e Kuvendit. Vendimi u mor ditën e sotme nga Komisioni i Etikës pas kërkesës së një grupi deputetësh të mazhorancës.
Deputetët e përjashtuar janë: Zheni Gjergji, Asllan Dogjani, Luan Baçi, Gazment Bardhi, Elda Hoti, Albana Vokshi, Bledion Nallbati dhe Lefter Gështenja.
Debati u krijua gjatë seancës së djeshme, teksa refuzimi për të ndryshuar Komisionin e Reformës Zgjedhore bëri që deputetët e Partisë Demokratike të bllokojnë foltoren.