Videoja e vajzave të cilat kërcyen në mes të rrugës së Astirit ka bërë xhiron e rrjetit këto ditë, por ende nuk është me dije arsyeja e vërtetë e kësaj videoje e cila ka marrë vëmendjen edhe të mediave të huaja.
Për herë të parë në emisionin “Vizioni i Pasdites” kanë qenë të ftuara vet protagonistet, për të sqaruar njëherë e mirë se për çfarë bëhej fjalë dhe si procedoi çështja.
Këngëtarja Kenna u shpreh se videoja e xhiruar në mes të rrugës së Astirit ishte për coming soon të këngës së saj më të re.
Ndërsa regjisorja Klaudia Senaj u shpreh se në fakt policia nuk i pyeti për asgjë, thjesht i tha që është vendosur gjoba pa marrë parasysh se çfarë është bërë, cilat ishin shkaqet, të analizonte situatën etj.
“Videoja është xhiruar ditë të diel dhe nuk kishte fare trafik. Kemi video që nuk kishte makina dhe e kemi bllokuar rrugën vetëm 22 sekonda. Ne kishim lënë hapësirë që makinat të kalonin, por një taksi që ishte aty e bllokoi rrugën sepse donte me pa dhe nuk kishte as ambulanca. Valeria që është proceduar penalisht nuk i ka dhënë makinës më shumë se 5 metra, e doja vetëm për imazh. Dënim që është vendosur janë dy gjoba dhe personi qëna ka dhënë makinën ka marrë dhe heqje patente për një vit.”, ka thënë Klaudia.
Ndërsa Valeria, vajza e cila u procedua dhe penalisht nga policia tha se pavarësisht se në portale figuronin titujt që u shoqërua në komisariat kjo nuk është e vërtetë.
“Unë kam ikur vet bashkë me produksionin në Komisariat. Në momentin e parë që kam shkuar kam treguar që unë jam vajza që po kërkohesha dhe pastaj u procedova”, tha e reja.