Në Tamarë-Vermosh dhe në Valbonë filloi dëbora e parë për këtë vit duke na ftuar në sezonin dimëror. Ndërsa reshjet e shiu dhe erërat kanë përshkuar zonën, duke sjellë rënie gurësh e materialesh në rrugë.
Autoriteti Rrugor Shqiptar bën të ditur se ”grupet e punës kanë bërë menjëherë pastrimin e rrugës nga inertet, ndërsa mjetet borëpastruese po punojnë në aksin rrugor verior për të siguruar qarkullim normal”.
Sipas njoftimit të ARRSH-së, mjetet borëpastruese janë në terren dhe po punojnë për pastrimin e rrugës duke siguruar qarkullim normal për banorët e zonës, por dhe për turistët alpinë që zgjedhin të vizitojnë këto zona turistike.