Kryeministri britanik Boris Johnson ka paralajmëruar Rusinë se pushtimi i Ukrainës do të jetë katastrofik dhe i përgjakshëm. BBC shkruan se sipas Johnson situata është shumë e zymtë, por lufta nuk ishte e pashmangshme.
Ai tha se Mbretëria e Bashkuar ishte udhëheqëse në krijimin e një pakete sanksionesh ekonomike kundër Rusisë dhe po furnizonte Ukrainën me armë mbrojtëse. NATO po vendos gjithashtu forcat në gatishmëri.
Ai tha se aleatët e NATO-s po dërgonin anije shtesë dhe avionë luftarakë në Evropën Lindore për të përforcuar mbrojtjen dhe për të rritur parandalimin, në përgjigje të ngritjes së vazhdueshme të forcave ruse. Rusia ka mohuar planet për veprim ushtarak, por vlerësohet se rreth 100,000 trupa janë grumbulluar në kufi. Kreu i NATO-s ka paralajmëruar rrezikun e një konflikti të ri në Evropë.
“Inteligjenca është shumë e qartë se ka 60 grupe luftarake ruse në kufijtë e Ukrainës, plani për një luftë rrufe që mund të nxjerrë Kievin është ai që mund ta shohin të gjithë. Ne duhet t’ia bëjmë shumë të qartë Kremlinit, Rusisë, se ky do të ishte një hap katastrofik,” tha Johnson.
Kremlini ka akuzuar NATO-n për përshkallëzimin e tensioneve me këtë veprim. Rusia e konsideron aleancën si një kërcënim dhe po kërkon garanci ligjore që nuk do të zgjerohet më tej në lindje, duke përfshirë edhe Ukrainën. Por SHBA ka thënë se çështja në lojë është agresioni rus, jo zgjerimi i NATO-s.