Numri dy i Qeverisë thotë se reforma në hipotekat e vendit, sidomos në atë të Durrësit do të vijojë. Zv.kryeministri Erion Braçe ka paralajmëruar shkarkime të tjera, pas skandalit disa ditë më parë me zyrën vendore të Hipotekës në Durrës, duke thënë se aty ka ende nevojë për reformim.
I ftuar në emisionin “Mbrëmje Ide”, Braçe ka thënë se nga një inspektim i bërë nga drejtoria qëndrore e Hipotekave, janë hasur problematika të shumta, të cilat do të pasohen me shkarkime nga puna.
“Unë kam parë deri tani zyrat e shërbimeve në 3 qarqe Tiranë, Elbasan dhe Durrës. Psh në Qarkun e Durrësit nuk shkon zyra e regjistrimit të paluajtshme që ka çeduar fort në shërbimin ndaj qytetarëve dhe vlon korrupsioni, nga inspektimi i zyrës, nga inspektimet e Task Force dhe departamenti Antikorrupsion. Do vazhdojmë akoma më tutje pastrimin në atë zyrë për tu’ krijuar mundësi njerëzve apo studentëve ekselentë”, tha Erion Braçe.