Ish-zv/kryeministri, deputeti i PS-së, Erion Braçe është kthyer në “delen e zezë” ndaj qeverisë, pasi kritikat nuk i kursen. Këtë herë i është drejtuar policëve të Divjakës në lidhje me situatën me zjarret në vend, ku i quan të paaftë. Braçe ka denoncuar një zjarrvënie të qëllimshme në një tokë bujqësore në fshatin Ferras të Divjakës. Kujtojmë se në interpelancën e një javë më parë, ministrja e Bujqësisë Frida Krifca po rendiste arritjet në Bujqësi, Braçe mes të tjerave akuzoi se po keqpërdoret toka, ku si rast tha se “një i fortë”, kryetar i PD ka mbjellur palma në një tokë arkë dhe se për këtë edhe ministrja është në dijeni.
Postimi i plotë
Nuk do ta gëzosh kurrë atë tokë! Harroje! Madje nuk do gëzosh asnjë metër tokë të zaptuar! Dje në mbrëmje vonë, në Ferras njësia Grabian, Divjakë, ju vu zjarri me dashje tokës shtetërore nënë kontratë mes ministrisë së Bujqësisë dhe shoqërisë Pragma Investment. Zjarri është ky! 6 ditë më parë fola për tokën në Kuvend, dështimin e kontratës, zaptimin e tokës shtetërore për 40 vite duke e mbjellë me plepa. Dy ditë më pas bari i egër në ato toka u korr dhe u vodh duke u strehuar në hangaret e hajdutit.
Di njeriu që ka zaptuar e ka mbjellë plepa në tokën e shtetit doli në tve e tha se plepat ishin mbjellë në tokën e tij. I kërkova kadasrës në Lushnjë dokumentat e kontratës se pragma në 141 hektarë dhe çdo është e qartë në letra e fushë. Plepat janë mbjellë në tokën e shtetit! Po dje në mbrëmje tokës ju vu zjarri.
Shumë faleminderit banorëve të Ferrasit që luftuan me flakët për t’i shuar; faleminderit edhe zjarrfikësve që edhe pse pas një zjarri të madh në spolate ku shpëtuan qindra serra, u kthyen të merreshin edhe me zjarrin e qëllimshëm në tokën e shtetit. I kërkoj drejtuesve gjumëbëres, të paaftë, pa dëshirë e të pa përkushtuar të komisariatit të Divjakes, një herë të vetme të bëjnë detyrën! Tre vatra infeksioni në Divjake po ngjallin krimin në të gjithë zonën! Hetoni! Mos kini frikë.