Mesfushori i Partizanit nuk e fsheh kënaqësinë e tij që luan me Partizanin. Në një prononcim për mediat ai shprehet se: “Do të thotë shumë të luash për Partizanin, është një nder i madh. E vlerësoj shumë faktin që jam pjesë e këtij ekipi të njohur. Unë dua të vecoj ndeshjet kundër Flamurtarin. Ato janë të veçanta dhe kujtoj të gjithcka kam kaluar aty. Mundohem ta respektoj deri në fund edhe atë fanellë”. Ai shton se i është dashur shumë kohë për t’u ambjentuar me demat e kuq. “Të them të drejtën, mu desh pak kohë që të ambientohem këtu. Nga mënyra se si erdha, u duk sikur e nisa karrierën nga fillimi. Gega ka bërë një grup shumë të mirë, e ka ndërthurur me eksperiencë dhe me çuna të rinj të talentuar, që kanë ulur kokën dhe vrapojnë shumë. Sa i takon titullit kampion, duhet të shohim vetëm ndeshjen e radhës dhe të japim maksimumin, siç kemi bërë deri më tani”,- theksoi Telushi. / P. Hasa /
Add A Comment