Edhe pse kurora e bukurisë u morr nga meksikanja Andrea Meza, Shqipëria bëri një paraqitje dinjitoze në Miss Universe 2021.
E veshur me të kuqe flakë, Paula Mehmetukaj ka parakaluar në pasarelën e kompeticionit “Miss Universe” ku konkurroi mes më shumë se 70 vajzash.
Mobilizimi i shqiptarëve, figurave publike, të artit, medias, pa lënë pas edhe figura politike kanë “blinduar” rrjetet sociale duke mbështetur Paulën në këtë kompeticion.
Bukuroshja ka shprehur mirënjohje për gjithësecilin, por ai që vihet re ishin komentet e përzemërta me ministren e kabinetit Rama, Elisa Spiropali.
Veç etiketimeve në postimet e instagram, Mehmetukaj dhe Spiropali kanë shkëmbyer komente me njëra tjetrën në postimin e kësaj të fundit në instagram, ku publikon kartolinën e përfaqësimit të Shqipërisë në “Miss Universe”.
Me sa duket ministrja dhe ylli i “Miss Universe” kanë njohje të hershme, veç komenteve të dyja e ndjekin e njera tjetrën në rrjetet sociale.