Ekskluzive / Zbulohen detajet nga vrasja në Bulqizë, viktima kërcënonte e fynte gjithë familjen Cidhnaku

Një i vrarë dhe dy të plagosur mbetën në rrethin e Bulqizës. Adriatik Jella, 39 vjec, ish i dënuar më parë, i divorcuar dy herë, i ka prerë veshët kunatit të tij Baftjar Cidhnaku dhe ka plagosur me thikë mikun e vjehrrit, Flamur Delishi. Por në të gdhirë të ditës së sotme, kur ka tentuar të rrëmbejë ish-gruan është qëlluar me sende të forta në kokë duke i shkaktuar vdekjen. Vjehrra e viktimës  Fidane Cidhnaku tha se ish dhëndërri ua kishte nxirë jetën prej muajsh. Ajo u shpreh se Jella e mbante bashkëshorten të mbyllur brenda katër mureve, e rrihte dhe e shante. Edhe pas ndarjes ai e merrte në telefon vajzën e familjes Cidhnaku dhe e kërcënonte se do t’i vriste të gjithë nëse ajo nuk rikthehej përsëri tek ai. “Ishte ora katër e mëngjesit kur në oborr dëgjojmë zhurma. Burri im, dy djemtë dhe një miku ynë dalin për të parë kush ishte. Adriatiku bërtiste me zë të lartë dhe kërkonte që t’i jepnim vajzën. Ne ishim të tmerruar sepse pasditen e djeshme ai i kishte prerë veshët djalit të madh, në një lokal në Maqellarë. Pjestarët e familjes tonë i dolën përpara dhe u përpoqën ta ndalonin. Ai goditi dy herë më thikë mikun tonë, Flamur Delishi. Në këto moment “dikush” e goditi me një dru në kokë. Ra përtokë. Njoftuam Policinë e cila e transportoi për Peshkopi. Na thanë se vdiq rrugës. Tani kemi frikë nga hakmarrja e familjes Jella”, tha për Tirananews.al Fidane Cidhnaku.  / P. Hasa /