Falë një loje racionale dhe të kujdesshme skuadra matjane e futbollit fitoi sot në stadiumin “Liri Ballabani” të Burrelit dhe tashmë kryeson e vetme në grupin A, në Kategorinë e Parë.
Goli i vetëm i ndeshjes u shënua pas një aksioni të mirëorganizuar në pjesën e parë të përballjes me Vorën. Loja pastaj rrodhi e qetë dhe pa raste të shumta shënimi. Matjanët kërkuan disa herë ta thellojnë rezultatin, ndërkohë vorakët u mbrojtjën me të gjitha forcat.
Me këtë fitore Burreli ka dy pikë më shumë se rivalja e saj Dinamo, e cila këtë javë ishte pushim. Drejtuesit e bashkisë Mat dhe ata të klubit të futbollit janë besimplotë se skuadra verilindore ka shanse të ngjitet një kategori më lart.