Në qytetin e Burrelit u prezantua Qendra Multifunksionale “Shërbim falas për të moshuarit”. Të pranishëm ishin pensionistë matjanë, mjekë të spitalit “Xhavit Mara”, drejtues të pushtetit lokal.
Në fjalën përshëndetëse kryebashkiaku i Matit Agron Malaj tha se:
“Prezantuam sot Qendrën Multifunksionale “Shërbim falas për të moshuarit” në Mat. Përkujdesja për të moshuarit është e domosdoshme, prandaj kemi krijuar ambjentin e nevojshëm për ofrimin e shërbimeve që ata do të kenë nevojë. Krahas çdo shërbimi tjetër, në këtë qendër çdo i moshuar matjan do të ketë edhe shërbimin e fizioterapisë falë kontributit të Elsona Agolli që kontribuoi në blerjen e pajisjeve të nevojshme fizioterapike, dhe Faik Xhani për ofrimin e këtij shërbimi. Gjithashtu kjo qendër do të ofrojë dhe shërbim vullnetar nga infermiere që tashmë janë në pension, për t’ju ardhur në ndihmë atyre në çdo kohë”.
