Bashkia e Matit vijon t’i kushtojë vëmendje sportit të futbollit. Falë angazhimit të kryebashkiakut Agron Malaj vazhdon rikonstruksioni i stadiumit “Liri Ballabani” të Burrelit, sakaq stafi teknik po merret me grumbullimin e përgatitjen e lojtarëve.
Faza përgatitore ka nisur dhe vijon në kryeqytet, duke tentuar përzgjedhjen e lojtarëve cilësorë. Matjanët aktualisht luajnë në Kategorinë e Parë, por synojnë të ngjiten një kategori më lart. Gjatë ndeshjeve miqësore të luajtura ditët e fundit Burreli ka fituar shumicën e tyre. Edhe sot Burreli ka mundur ekipin e Shënkollit të Lezhës.
Mësohet së vetëm ditën e sotme kanë firmosur kontratat për të veshur bluzën e Burrelit 13 lojtarë. Ato janë: Murrja, Koca, Kurbneshi, Gjoka, Stana, Mallunxa, K. Farruku, Gjonaj, Dedgjonaj, Hysko, Mitraj, Ujka, Bytyçi. /tirananews.al/