Ekipi i futbollit “Burreli” do të luajë nesër ndeshjen vendimtare të këtij kampionati. Matjanët do të përballen me ekipin e kategorisë së dytë “Pogradeci” i cili synon ngjitjen në Kategorinë e Parë. Skuadra e drejtuar nga tekniku Dorian Bubeqi ka mundësinë e fundit për këtë sezon që të qëndrojë në këtë kategori.
Përballja mes dy skuadrave do të zhvillohet në stadiumin e Rrogozhinës. Skuadra matjane ka zhvilluar stërvitje të ngjeshura për të qenë në formë të shkëlqyer në përballjen e nesërme e cila do të vendosë fatin e pjesmarrjes ose jo vitin e ardhshëm në Kategorinë e Parë.
Për të qenë në formën më të mirë të mundshme, skuadra ka udhëtuar që ditën e sotme drejt Rrogozhinës për tu akomoduar aty dhe të jetë gati për sfidën e nesërme.