Liga e Kampioneve ka mësuar emrat e 8 skuadrave pjesëmarrëse në çerekfinalet e këtij edicioni, të cilat shohim shumë pak shpërndarje gjeografike. Në fakt, janë vetëm 4 shtete të përfaqësuara mes 8 skuadrave më të mira të turneut.
Në garë janë 3 skuadra angleze: Çelsi, Liverpul dhe Mançester Siti. Njëkohësisht, janë edhe 3 skuadrat spanjolle: Real Madrid, Atletiko Madrid dhe Vijareal. Ndërkohë, Gjermaninë e përfaqëson Bajern Mynih, ndërsa Benfika është përfaqësuesja e Portugalisë.
Shorti për vijimësinë e turneut do të hidhet të premten, më 18 mars në orën 12 dhe këtë herë, do të shohë të zhvillohet paralelisht ai i çerekfinaleve, si dhe ai gjysmëfinaleve. Kështu, skuadrat do të kenë një ide të qartë se çfarë i pret në rrugëtimin drejt finales së madhe e cila do të zhvillohet në Paris. Shorti do të jetë i lirë, që do të thotë se të gjithë skuadrat mund të përballen me njëra-tjetrën, edhe ekipe që i përkasin të njëjti vend.