Ka nisur me debat seanca plenare, ndërsa në fokus është sërish kërkesa e demokratëve për mocion me debat me kryeministrin Edi Rama, për çështjen McGonigal.
“Edhe sot në hyrje të kuvendit u vërtetua se kemi të bëjmë me një maxhorancë që sillet si bandite Jeni në kundërshtim me rregulloren. Do hyni në Gines me patupërsi, se përjashtuat 19 deputetë të opozitës. Ka një muaj që ka shpërthyer një skandal ndërkombëtar ku përfshihet kryeministri ynë. Ne si opozitë kemi kërkuar një seancë pyetjesh me kryeministrin dhe i kemi kërkuar 13 pyetje. Pse nuk e mbani seancën, pse ka frikë kryeministri?
Apo është paralajmëruar të mos flasë. Kemi kërkuar mocion me debat pa kohë, dhe cuditërisht ju nuk e vini ujin në zjarr dhe nuk pranoni të debatoni. Për këto dy kërkesa, nuk do ketë tolerim. Asnjë cështje nuk diskutohet në kuvend. Asnjë taktitë e juaja për të përjashtuar deputetët e për të zhvilluar mocion pa prezencën e opozitës nuk ka për të ecur. Po kërkojmë të respektoni rregulloren, që deri tani e keni shkelur me këmbë.” -u shpreh Spaho.
Ndërkohë në përgjigje nënkryetarja e Kuvendit, sqaroi vendimin e konferencën së kryetarëve dhe arysen pse nuk është futur cështja në rendin e ditës.
“Të gjitha janë trajtuar në konferencën e kryetarëve, dhe konferenca ka vendosur: bashkimin e interpelancave dhe mocionit me debat, sipas rregullores së kuvendit. Për kohën e debatit duhet të merren vesh kryetarët e grupeve parlamentare. Në mbledhje ka qenë prezent vetëm Alibeaj dhe jo dy të tjerët, që duhet të jenë me patjetër.” -u shpreh Felaj.