Qentë janë një nga kafshët shtëpiake më të preferuara për njerëzit. Ata ofrojnë një shoqëri të shkëlqyeshme dhe për shumë shërbejnë edhe si terapi.
Sidoqoftë, përkundrejt faktit që këto kafshë janë shpesh miqtë tanë më të mirë, disa njerëz përjetojnë panik dhe siklet të madh në praninë e tyre dhe shmangin me çdo kusht që të jenë pranë tyre. Kjo njihet si kinofobi ose fobia nga qentë.
Kinofobia është më e zakonshme sesa mendojnë shumë njerëz. Sipas rezultateve të një studimi të kryer nga psikologu José Gil Martínez, profesor në Universitetin e Valencias, 10% e individëve vuajnë nga frika e tepruar dhe iracionale e qenve.
Njerëzit me fobi ndaj qenve ndjejnë ankth ekstrem kur janë rreth kafshës ose kur mendojnë se mund të rastisin një të tillë.
Simptomat kryesore që ata përjetojnë janë paniku dhe frika, një rrahje zemre e shpejtë, marrje fryme, dridhje dhe një dëshirë e madhe për të ikur ose për të shmangur stimulin e frikshëm.
Ekzistojnë disa skenare që mund të shkaktojnë zhvillimin e fobisë. Një përvojë e drejtpërdrejtë mund të jetë kafshimi i një qeni. Sidoqoftë, ndonjëherë një fobi mund të shfaqet edhe për shkak të një besimi irracional. Për shembull, kur një prind i përsërit një fëmije shpesh se qentë janë të rrezikshëm.