Pak ditë më parë një çift në Tiranë u gridën me njëri-tjetrin se gruaja kishte simpati për Sinan Hoxhën, ndërsa ai për Anën e ‘Përputhen’, duke shkaktuar kështu xhelozi mes njëri-tjetrit.
Konflikti mes tyre kishte përfunduar në dhunë fizike, madje gruaja kishte marrë thikën për të vrarë veten.
Pasi ngjarja bëri bujë të madhe në media, Ana ka reaguar me një postim në rrjetet sociale. Ajo ka publikuar një lajm mbi ngjarjen në fjalë, duke shkruar se është me paqen në botë. “Unë jam për paqe në botë, po ti Sinan?”, ka shkruar Ana.
Ndërkohë kanë dalë edhe fotot e çiftit në fjalë, Saimirit dhe Liljanës. Kjo e fundit ka dhënë një intervistë për emisionin “Shqipëria Live” ku tregoi se si ka ndodhur e gjithë ngjarja.
Sipas saj, bashkëshorti shpesh ka qenë i dhunshëm me të gjithmonë dhe se bëhej xheloz për këdo. “Më pëlqente muzika popullore dhe prandaj e doja televizionin te ai. Nuk i thashë se më pëlqen Sinan Hoxha. Por Saimiri e mori këtë sikur unë pëlqeja Sinanin”, tha ajo.
Madje, Liljana pas debatit ka tentuar të vrasë veten: “Saimiri gjithmonë më ka ofenduar. Mora thikën të vrisja veten por nuk më lejuan, as Saimiri, as familjarët”.