Partizani ka përmbysur rezultatin në Letoni duke regjistruar një fitore. Kampionët e Shqipërisë triumfuan 1-2 përballë Valmieras në takimin e parë të raundit të tretë në Conference League.
Kjo ndeshje e çon Partizanin afër realizimit të ëndrrës për të luajtur në grupet e këtij kompeticioni. Pjesa e parë u mbyll me avantazhin e vendasve falë golit shumë të bukur të brazilianit Gustavo Silva (27’).
Por, “Demat” përmbysën gjithçka falë realizimeve të Tedi Carës (58′) dhe Arinaldo Rrapajt (78′), me këtë të fundit që shënoi me një goditje nga larg.
Sfida e kthimit do të zhvillohet në “Air Albania” të enjten e ardhshme më 17 gusht.