Antonio Conte i ka idetë e qarta sesi do të përballojë sezonin e Premier League, teksa ka “djegur” plot 4 futbollistë, të cilët duhet të gjejnë ekip tjetër deri në fund të merkatos.
Tanguy Ndombele, Giovanni Lo Celso, Harry Winks dhe Sergio Reguilon janë 4 futbollistët që nuk bëjnë më pjesë në planet e Tottenham dhe Conte i ka dërguar të stërviten veçmas deri sa të gjejnë një ekip tjetër.
Dy të parët kanë kërkesa nga Italia, me Napolin që sheh te Ndombele zëvendësuesin ideal të Fabian Ruiz dhe Fiorentinën që dëshiron Lo Celson për të kompletuar formacionin. Sa i përket Reguilon, disa klube spanjolle janë gati ta marrin në huazim.