Kryetari i bashkisë së Londrës, Sadiq Khan ka deklaruar se nuk do të ketë shpërthime fishekzjarresh dhe festime në Londrën Qëndrore në datën 31 dhjetor.
Ai shpjegoi se shfaqja që zhvillohet zakonisht afër “London Eye” nuk do të mbahet këtë vit, pasi nuk mund të ketë grumbullime për shkak të koronavirusit.
I pyetur se si do t’i mbante njerëzit larg Londrës natën, ai u përgjigj: ‘Epo nuk do të ketë asgjë në qytet, ne po përpiqemi të shmangim një arsye që njerëzit të dalin jashtë”.
Shfaqjet me fishekzjarre që organizohen në Londër ndiqen nga miliona njerëz dhe marrin një buxhet të madh nga bashkia.