Prof. Dhimitër Kraja, mjek në Spitalin Infektiv në QSUT, gjatë mbledhjes së radhës së Komitetit Teknik të Ekspertëve, ka bërë me dije se të gjithë pacientët e shtruar në spital aktualisht janë të pa vaksinuar.
“Gjendja në spitalin Covid1 ku praktikisht shtrohen të gjithë të sëmurët e Shqipërisë me COVID19, është shumë e qetë, ka sot që flasim 5 të sëmurë që janë pozitivë dhe 2 të sëmurë të tjerë që po ndiqe me pneumoni dhe me tampon të sigurt në mënyrë absolute negativë. Janë moshë mbi 65 vjeç e sipër, asnjë prej tyre nuk është i vaksinuar, as me një dozë as me dy doza vaksinash”, theksoi Kraja.
Duke e konsideruar vaksinimin në Shqipëri një proces me të dhëna inkurajuese, prof Kraja u ka bërë apel qyetearëve të vaksinohen pasi vaksinat janë efiakse dhe mbrojnë nga COVID19.
“Kjo situatë nuk është e rastësishme, përkon me atë periudhë që vjen pas vaksinimit dhe pas kohës që vaksinimi jep efektet pozitive, pra kronoliogjikisht përkon me etapën e post -vasknimit, kjo është një gjë pozitive dhe që na inkurajon. Vaksina në Shqipëri po funksinon, vaksinat në Shqipëri janë efikase, janë mbrojtëse sepse edhe faktet janë, asnjë rast që është i vaksinuar nuk është i shtruar në spital”, tha Kraja.
Prof. Kraja ka theksuar se rastet e shtruara në COVID 1 janë raste të pa takuara me parë me këtë sëmundje ndaj dhe duhet të tregojnë kujdes të shtuar.
“Asnjë prej këtyre të sëmurëve nuk e kanë kaluar më parë COVID19, janë raste të ‘virgjra’ në raport me Covid, nuk e kanë takuar më parë. Kjo nxjerr edhe një detyre per rastet e pa prekura, TË stimulohen dhe vaksinohen të gjithë, këto janë fakte reale dhe të vlefshme që vijnë nga COVID1 dhe duhet ti kenë në konsiderate”, tha Kraja në raportimin e tij gjatë mbledhjes së Komitetit Teknik të Ekspertëve.