Jo të gjithë e përjetojnë njësoj infektimin nga COVID-19. Disa e kalojnë me sportivitet, ndërsa disa të tjerë në një gjendje psikologjike të rënduar. Këtë të fundit ka përjetuar edhe këngëtari Lorenc Hasrama, i cili u infektua nga koronavirusi.
Në emisionin radiofonik “Live From Tirana” ai ka treguar se ditët kur ka qenë i infektuar kanë qenë të vështira për të, por ai ka qenë me fat që ka pasur familjen afër. Ai ka treguar se infektimi i kishte ndikuar shumë në gjendjen emocionale dhe hera herës është përlotur.
Lorenci u shpreh se këtë periudhë është angazhuar në krijimin e teksteve të reja të këngëve, por nuk ka qenë gati t’i realizojë në studio e t’i publikojë. Ai tregoi se ka 2 projekte muzikore gati për publikim në bashkëpunim me Irkenc Hykën, por nuk dëshiron që të nxjerrë këngë që i cilëson si “prerje damarësh”.