Silvio Berlusconi e ka kaluar më parë COVID-19, ndërkohë që tanimë e ka radhën për të luftuar me virusin një tjetër emër i madh i futbollit italian.
Krahu i djathtë i ish-presidentit të Milanit, Adriano Galliani, ka dalë pozitiv dhe është izoluar, sikurse raporton klubi i Monzës, ku dyshja e famshme dhe e suksesshme e kuqezinjve po kontribuojnë për momentin.
“AC Monza komunikon se Adriano Galliano ka dalë pozitiv në testit të fundit që ka bërë për COVID-19. Administratori i deleguar, në përputhje me rregulloret shëndetësore në fuqi, është izoluar në shtëpi menjëherë”, shkruhet në deklaratën e klubit të Serie B.
Adriano Galliani positivo al Covid-19..https://t.co/LZTQ5P85jH pic.twitter.com/gEYXQVWwb8
— AC Monza (@ACMonza) February 26, 2021