Al Nassr fitoi 0-2 kundër Al Hazem për raundin e gjashtë në elitën e futbollit të Arabisë Saudite. Golat për miqtë u shënuan nga Joao Felix në minutën e 25-të dhe Cristiano Ronaldo në minutën e 88-të.
Për CR7 ky ishte goli numër 950-të në karrierë, ndërsa portugezi kërkon më shumë dhe objektivi është shënimi i 1000 golave. Edhe pse në moshën 40-vjeçare, Ronaldo ka treguar se është në formë të shkëlqyer sportive duke udhëhequr ekipin e tij drejt vendit të parë me 18 pikë të plota gjatë këtij sezoni të ri.
Pas fundit të sfidës, Ronaldo ka reaguar në kanalet e komunikimit duke thënë se kërkon më shumë gola. “I lumtur që e kam ndihmuar ekipin të fitojë dhe që kam shënuar 950 gola. Jam gjithmonë i uritur për më shumë”, ka shkruar Ronaldo.