Ministri i Brendshëm, Bledi Çuçi në fjalën e tij në Kuvend këtë të enjte ka diskutuar edhe një herë marrëveshjen me Britaninë për riatdhesimin e qytetarëve shqiptarë.
Çuçi është shprehur se do të rritur bashkëpunimi në fushën e emigracionit të paligjshëm për të parandaluar çdo linjë kriminale që mund të bëhet në këtë drejtim ku më i dukshmi është ai i trafikimit të qenieve njerëzore.
Ndër të tjera ai ka bërë thirrje që deputetët të miratojnë ratifikimin e kësaj marrëveshje.
““Marrëveshja që kemi sjellë sot nuk është diçka e re ne kemi pasur marrëveshje bilaterale me Britaninë e Madhe dhe Irlandën e Veriut që në 2003 përsa i përket riatdhesimit. Zhvillimet ndërkombëtare çuan në nevojën e ratifikimit të kësaj marrëveshje, që vjen dhe si propozim i Britanisë pas daljes së saj nga BE. Kjo marrëveshje vjen në pajtim me legjislacionin të dy shteteve pa paragjykuar marrëveshjet dypalëshe me vendet e treta dhe shkëmbimin e të dhënave personale mes vendeve të treta. Shqipëria dhe Britania do të forcojnë bashkëpunimin në lidhje me luftën kundër emigracionit të parregullt, të dy vendet dot ë zhvillojnë operacion teknik kundër emigracionit. Kjo marrëveshje nuk është një legjislacion për të ofruar atë shqiptarë me BE por është në përputhje me legjislacionin vendas dhe atij ndërkombëtar.
Garantimi i emigracionit të sigurtë, nga dhe përmes Shqipërisë mbetet një ndër objektivat e çështjeve të brendshme. Fenomeni i emigracionit shoqërohet dukshëm me trafikimin kontrabandë të qenieve njerëzore, në dhjetor të 2020 kemi miratuar strategjinë integrale të kufirit 2021-2027 që kërkohet që të jepet përgjigje sfidave të emigracionit. Siç e shpreha dhe në kalimin me homologen time, emigracioni i jashtëligjshëm nuk mund të shtrohet pa rishikuar problemet e atyre të ligjshëm. Kam gjetur një mirëkuptim dhe homologia është shprehur e gatshme për integrimin e shqiptarëve në Britani.
Marrëveshja që është sjellë sot në kuvend kat ë parashtruara rregullat që do të përfshijnë bashkëpunimin me Britaninë e Madhe për riatdhesimin e qytetarëve, nga kostoja e transportit, te mbrojtja e të dhënave personale etj. Marrëveshja parashikon kthimin e emigranteve të paligjshëm”, ka thënë ai.