Një nga figurat kryesore të politikës serbe, Ivica Daçiç, ka deklaruar se Serbia nuk duhet që t’i bashkohet dënimeve dhe sanksioneve të cilat i janë vënë Rusisë.
Daçiç thekson se kjo s’duhet të ndodhë për arsyen se të gjitha këto vende që i përkrahin këto sanksione tani, nuk e ndihmuan Serbinë gjatë bombardimeve të NATO-s në vitin 1999.
“Ne do të kujdesemi për interesat tona. Le të ruajmë marrëdhëniet me BE-në, Rusinë dhe Kinën, sepse askush nuk do të na mbrojë nëse Rusia dhe Kina ndalojnë së na mbrojturi”, ka thënë ai.
Ndër të tjera, ai deklaroi se kriza në Ukrainë ndodhi pasi Perëndimi nuk respektoi marrëveshjen e NATO-s.