Një martesë dhe dashuri në distancë. Kështu e ka quajtur Stresi marrëdhënien e tij aktuale me partneren Keisi, e cila jeton në Kanada, larg reperit prej një viti tashmë.
Duke folur në një intervistë për Edicionin Veror rë ABC News, Stresi tha për gazetaren Irini Meçe, se ajo që po përjeton me Keisin nuk mund të quhet pauzë, pasi ata vijojnë të ruajnë kontaktet.
Reperi u shpreh se është shumë e vështirë duke qenë se prej një viti nuk janë takuar, ndërsa la të kuptohej se gjithçka do t’ia lënë kohës. E rëndësishmë është që ka dashuri mes tyre: “Ne duhemi në distancë. Jemi në një… nuk mund të them pauzë, kemi kontakte, flasim, mundohemi që të jemi bashkë. Nuk është se s’po i bëjmë përpjekjet por tani të shohim. Prej një viti nuk shihemi kështu që thjesht mbajmë kontakte, është shumë e vështirë. Të bëhemi prapë bashkë është shumë e vështirë, është shumë e lehtë, është dhumë e vështirë, është shumë e lehtë. Dashuria midis nesh ekziston dhe shumë por tani të shohim”.
Pak ditë më parë Keisi foli edhe për dasmën, planet për të cilën mund të jenë ndërprerë nga pandemia. Në një komunikim me ndjekësit ajo tha se kur ta bëjë dasmën e saj, do ta bëjë të madhe
“Aktualisht, prej pandemisë nuk mund ta bëjmë. Por di të them që kur të bëj dasmë, do të bëj një dasmë të madhe. Dua dasmë gjigante,”– tregoi Keisi.
Bukuroshja foli edhe lidhur me raportet që ka me prindërit e Stresit, duke pohuar se me të dy ka marrëdhënie shumë të mira dhe komunikojnë shpesh. Megjithatë, bukuroshja shqiptare veçoi marrëdhënien e saj me babain e reperit.
“Unë flas dhe shkoj shumë mirë me mamin e Stresit, por do veçoja babain e tij. Me të flas më mirë, dhe shkoj shumë më mirë me të”.
