Edlira Mara dhe Alba Ahmetaj, çifti i së njëjtës gjini është lajmi që trazoi Tiranën. Të veshura me fustane nuserie, ato kurorëzuan dashurinë në tarracën e bashkisë së Tiranës mbrëmjen e 19 majit, celebrim që ndodh për herë të parë në bashki. Kurorëzimi i tyre u bë nga dy pastorë britanikë, si një lëvizje simbolike për të promovuar të drejtat e LGBT+.
Në ceremoni ishin edhe vajzat e tyre 3-vjeçare, binjaket që erdhën në jetë me metodën invitro. Alba tha se ende nuk kanë një përgjigje nga gjendja Civile, kjo pse pritshmëritë i ka negative. Për sa i përket marrjes së tarracës për ceremoninë e martesës, Alba tha se aplikuam fillimisht me emër të Edlirës dhe u pranuam. Për to çdo taksapagues ka të drejtë të përdore tarracën e bashkisë.
Ceremonia e bujshme nuk është pritur mirë nga Kisha katolike. Në reagim thuhet se feja e ndalon martesën brenda së njëjtës gjini, si edhe ligji. Për këtë arsye, sipas Kishës, lejimi i ceremonisë është i papranueshëm ndërsa pastori i veshur si katolik, s’përfaqëson kishën katolike.
Tre kate më poshtë, policia ruante hyrjen e bashkisë në rast proteste. Kur dasma u njoftua në rrjetet sociale një ditë pasa dasmës, postimi u vërshua me gjuhë urrejtjeje. Ndërsa shumica e Evropës Perëndimore ka bërë hapa drejt barazisë martesore, të drejtat janë të kufizuara në pjesën më të madhe të Evropës Qendrore dhe Lindore.