Bashkitë e opozitës kanë nisur këtë të premte kërkesë KQZ-së që të lirojë ambientet në pronësi të këtyre bashkive ku janë parashikuar KZAZ-të, duke nisur kështu dhe zbatimin e dekretit të Presidentit Meta.
Ndërkohë që KQZ ka refuzuar dekretin e presidentit Meta për shtyrjen e datës së zgjedhjeve.
Deri tani, bashkitë e Kukësit, Matit, Skraparit dhe Delvinës kanë çuar shkresën zyrtare në KQZ dhe për dijeni institucioneve kryesore në vend. Në letrat e tyre kërkohet lirimi i ambienteve që janë marrë për ngritjen e KZAZ-ve si dhe heqja e listave shumëemërore të afishuara.
