Partia Socialiste ka mbyllur ‘derën’ e saj dhe nuk pret më aplikime për kandidatët e 25 prillit. Rreth 1 600 persona kanë aplikuar për të qenë pjesë e listave të PS në zgjedhjet e 25 prillit, ndërkohë minutazhi i video-mesazheve të qytetarëve që kanë aplikuar shkon në rreth 80 orë.
Nisma “Deputeti që Duam”, që u prezantua nga kryeministri Edi Rama në muajin tetor, ka rreth 1600 CV në formë video-mesazhet nga të gjithë ata qytetarët që kanë shprehur dëshirën t’i bashkohen Partisë Socialiste.
Aplikimi është bërë “online” në këtë portal nga vetë qytetarët, të cilët kanë dërguar një video-prezantim me të gjithë arsyet që i shtyu të bëheshin pejsë e PS-së. Faza e parë do të përzgjedhë vetëm 100 më të mirët, ndërsa pas fazës së dytë skualifikuese, do të mbeten vetëm 20 më të mirët.
Të përzgjedhurit do të përfshihen në skuadrën e 140 kandidatëve të Ramës.