Deputetja e PD-së për qarkun e Elbasanit, Flutura Açka e cila deri më tani është në grupin e Bashës, thotë se partia e saj është SPAK. Ftesës së Berishës për bashkim, Açka nuk e ka pranuar.
Nëpërmjet një postimi në rrjetin social “Facebook”, e prerë në komentin e saj, Açka thotë se aleati i vetëm për të është Prokuroria e Posaçme Antikorrupsion. Për vendimin e Apelit, që i dha vulën dhe logon e PD-së Berishës, deputetja shkruan se kryeministri Edi Rama e zgjodhi aleatin e vet.
”Edi Rama zgjodhi kundërshtarin e vet politik, edhe pse në demokraci nuk e zgjedh dot. Thjesht e ke. Unë zgjodha aleatin tim: SPAK-un. Sa mijëra e mijëra mendojnë si unë? Ajo është, pra, PARTIA IME”,-shkruan Açka.