Interi ka siguruar një vend në finalen e Kupës së Italisë duke mposhtur rivalet e përjetshëm të Milanit në derbi, në një ndeshje mjaft interesante në “San Siro”.
INTER–MILAN 3–0
4′, 40′ Lautaro Martinez, 82′ Gosens
NGJARJET KRYESORE
90’ Mesias kërkon golin e nderit me një gjuajtje në kufijtë e zonës, sfera përfundon direkt në duart e Handanoviç.
82’ GOOOL Interi. Zikaltërit tundin për herën e tretë rrjetën dhe mbyllin diskutimet e kualifikimit pas një aksioni perfekt me Brozoviç i cili shpërthen në krahun e djathtë dhe pason në shtyllën e dytë për Gosens i cili shtyn sferën në rrjetë.
66’ Gol i anuluar për Milanin. Pas një goditje këndi, topi shkon te Benaser jashtë zonës me mesfushorin i cili lëshon një predhë të pakapshme për Handanoviç. Protesta zikaltër pasi pretendohet për një pozicion jashtë loje të dy lojtarëve që pengojnë rrezen e Handanoviç dhe gjyqtari shkon të vëzhgojë VAR. Pas 2 minutash, ai vlerëson se ky pozicion kishte ndikim në aksion dhe anulon golin.
60’ Tentativa të njëpasnjëshme të futbollistëve të Milanit drejt portës zikaltër, por asnjë nuk arrin të kalojë murin e mbrojtjes së Interit që frenon çdo goditje që shkon drejt Handanoviç.
53’ Benaser humb topin rrezikshëm në mesfushën e tij dhe Lautaro niset përsëri me shpejtësi drejt portës. Ai nuk pason për Korrea por gjuan vetë, duke gjetur përgjigjen e Menja.
45’+2’ Lautaro Martinez i afrohet edhe golit të tretë personal kur pas një goditje këndi gjuan topin me kokë drejt portës, por nuk gjen për pak katërkëndorin.
40’ GOOOL Interi. Aksion i shpejtë i Korrea i cili gjen hapësirën për të nxjerrë Lautaro Martinez të vetëm para Menja. Argjentinasi nuk gabon dhe dyfishon shifrat.
37’ Gjuajtje e fortë e Barela nga jashtë zonës, sfera fluturon mbi traversë.
32’ Tjetër zbritje e shpejtë e kuqezinjve me Tonali, i cili shfaqet në pozicion gjuajtje por në vend që të gjejë portën, gjen Zhiru me tentativën e tij, me sferën që devijohet jashtë.
30’ Pas zhvillimit të një goditje nga këndi, Sele gjuan nga jashtë zonës, por gjen përgjigjen e Handanoviç.
28’ Kundërsulm i shpejtë i Milanit. Rafael Leao ka mundësinë ideale për të barazuar shifrat, por gjuajtja e tij devijohet me këmbë nga Handanoviç i cili eviton barazimin.
12’ Zgjohet Milani me një aksion të shpejtë në krahun e djathtë, ku Kesi tenton portën por gjen vetëm rrjetën e jashtme.
4’ GOOOL Interi. Një aksion nga e djathta i Interit gjen Lautaro Martinez, i cili gjuan direkt në portë me një predhë të pandalshme nga Menja.
FORMACIONET ZYRTARE
INTER: Handanoviç, Skrinjar, De Vraj, Bastoni, Darmian, Barela, Brozoviç, Çalhanoglu, Perishiç, Korrea, Lautaro Martinez.
Trajner: S. Inzagi
MILAN: Menja, Kalabria, Kalulu, Tomori, Teo Hernandez, Benaser, Tonali, Selemakers, Kesi, Rafael Leao, Zhiru.
Trajner: S. Pioli