Seanca ndaj grupit të Habilajve është shtyrë për të tretën herë dhe shkak për këtë është bërë mosnjoftimi me letër porosi të katër anëtarëve.
Nuk është njoftuar Moisi Habilaj, Nazer Seiti, Fatmir Mina dhe Meridian Sulaj. Ata ndodhen ne burg ne Itali, dhe sipas Gjykatës letër-porosia e dërguar nga ministria e Drejtësisë shqiptare nuk është kthyer me përgjigje nëse kanë dijeni ose jo.
I vetmi që u paraqit në këtë seancë ishte Armando Koçerri, i cili është në burg në Shqipëri. Ai serish kerkoi që kjo seancë të mos zhvillohej në praninë e mediave, kërkesë e cila është pranuar nga Gjykata, me argumentin se pamjet filmike ndikojnë negativisht tek vajza e tij e mitur.
Kjo është hera e tretë që shtyhet procesi ndaj grupit të Shullazit, ku këtë herë munguan edhe avokatët mbrojtës të Moisi Habilaj. Seanca e radhës do të zhvillohet me 10 korrik.