Karim Benzema, lojtari që mban Topin e Artë të vitit të fundit dhe padyshim një nga sulmuesit më të fortë të momentit në kontinent. Bomberi francez është padyshim një lojtar u suksesshëm por fëmijëria e tij nuk ka qenë kaq e lehtë.
Mbipesha e tij është bërë shkak që kur ishte i vogël, Benzema të bullizohej nga fëmijët e tjerë të moshës së tij. Gjithsesi, ai nuk u dorëzua por nisi një program të rreptë stërvitor të kombinuar me dietën e duhur për t’u bërë ai që të gjithë e njohim sot.
Ndryshe nga shumë raste të tjera që kanë përfunduar në tragjedi, bullizmi e ndihmoi sulmuesin francez për t’u bërë më i fortë duke e ndihmuar gjithashtu të menaxhojë më mirë kritikat që ka marrë gjatë gjithë karrierës, madje edhe ndaj atyre kritikave që i janë bërë gjatë javëve të fundit pasi mori vendimin për t’u transferuar në Arabinë Saudite.