Era e fortë e këtyre ditëve ka bërë që të rrëzohen shtyllat e tensionit të lartë përgjatë aksit nacional Korçë-Bilisht, duke lënë kështu dhjetëra fshatra pa drita në Qarkun e Korçës. 3 bashkitë Korçë, Maliq dhe Devoll kanë mbetur pa energji elektrike.
Gjithashtu, mungesë të energjisë elektrike kanë 30 fshatra në Maliq dhe 11 tjerë në zonat malore të Pogradecit.
Burime zyrtare nga OST bëjnë me dije se në zonën mes Neviçishtit dhe Belortasë janë rrëzuar 10 shtylla.
Prej dy ditësh në terren për riparimin e këtyre defekteve janë duke punuar ekipe specialistësh nga OSHEE dhe OST nga Tirana, Elbasani dhe Korça.Por puna e tyre është bërë akoma më e vështirë për shkak të erërave të forta dhe temperaturave të ulëta.