Policia Rrugore e Dibrës vijon punën me masa të shtuara për kontrollin e akseve rrugore, me qëllim disiplinimin e drejtuesve të automjeteve dhe parandalimin e aksidenteve rrugore.
Kontrollet në akset rrugore kryesore me aparat drager, për parandalimin e drejtimit të mjetit nën efektin e alkoolit apo në gjendje te dehur, kontroll për dokumentacionin e mjetit, për përdorimin e rripit të sigurimit, mbajtjen e mjeteve dimërore apo për xhama të zinj.
Gjithashtu, kontrollet janë përqendruar në mjetet e tonazhit të rëndë, ku si rezultat janë dërguar në OASH, 3 mjete për tejkalim të mbi peshës së lejuar. Si rezultat i këtyre kontrolleve gjatë 3 ditëve të fundit, kanë rënë në prangat e Policisë Rrugore 4 shtetas.
Gjithashtu janë arrestuar në flagrancë 3 shtetas të tjerë pasi janë konstatuar nga Policia Rrugore duke drejtuar motorçikletat e tyre pa u pajisur me leje leje drejtimi, dhe pa kaska mbrojtëse.
Janë bllkokuar për mungesë dokumentacioni 5 motorçikleta, dhe 1 automjet i cili ka rezultuar alert për llogari të Policisë së Tiranës. Janë dërguar në OASh, 13 drejtues mjeti për mosvendosje të rripit të sigurimit, si dhe janë vendosur 200 masa administrative, për shkelje të ndryshme të Kodit Rrugor.
Gjithashtu Policia Rrugore e Dibrës është angazhuar duke i krijuar hapsirat e nevojshme, firmës për mirëmbajtjen e akseve rrugore të qarkut Dibër, për hedhjen e kripës për shkak të ngricave dhe akullit në rrugë.