Reshjet e dendura të borës kanë sjellë probleme në qarkullim në shumë zona të Dibrës. Pasditen e sotme kanë filluar reshjet e borës të zbardhin edhe Burrelin duke e veshur qytetin me vellon e bardhë.
Mësohet se në zonat e thella malore është shumë i vështirë qarkullimi i automjeteve.
Gjithashtu bëhet me dije se aksi nacional Peshkopi-Kukës kalohet me vështirësi si pasojë e reshjeve të borës.
Mësohet se probleme ka dhe në Njësitë Administrative Ostren, Trebisht dhe Zalldar. Probleme edhe ka edhe në zonat e Lurës dhe Kalasë se Dodës.
Borëpastrueset po punojnë për hapjen e rrugëve.