Administratori i skuadrës së Burrelit Arjan Lleshaj dhe trajneri i matjanëve Dorian Bubeqi janë ndëshktuar sot nga Komisioni i Disiplinës pranë FSHF-së.
Vendimi është konsideruar absurd dhe i padrejtë nga zyrtarët e klubit burrelas, ndërkohë nuk harrohet gjykimi i njëanshëm në përballjen Pogradeci-Burreli, në ndeshjen e luajtur në Rrogozhinë.
VENDIMET
1. Zyrtari i KF Burreli, Dorian Bubeqi, per sjellje josportive ndaj zyrtarëve të ndeshjes, në bazë të nenit 48/2/a të KDS, dënohet me 8 (tetë) ndeshje pezullim nga të gjitha aktivitetet. Në aplikim të nenit 32/2/3 të KDS, vendoset pezullimi i pjesshëm i zbatimit të dënimit pas shlyerjes së gjysmës së tij. Periudha e pezullimit me kusht, në zbatim të nenit 32/4 të KDS, do të jetë 6 (gjashtë) muaj.
2. Zyrtari i KF Burreli, Arjan Lleshaj, per sjellje josportive ndaj zyrtarëve të ndeshjes, në bazë të nenit 48/2/a të KDS, dënohet me 8 (tetë) ndeshje pezullim nga të gjitha aktivitetet. Në aplikim të nenit 32/2/3 të KDS, vendoset pezullimi i pjesshëm i zbatimit të dënimit pas shlyerjes së gjysmës së tij. Periudha e pezullimit me kusht, në zbatim të nenit 32/4 të KDS, do të jetë 6 (gjashtë) muaj.