Djali i ish-deputetes së Partisë Socialiste, Esmeralda Shkjau ka festuar dje 1-vjetorin e lindjes. Nga fotot e shpërndara në profilin e politikanes, Ammar duket se i është gëzuar pafund festës së organizuar për të brenda shtëpisë. Mami Esi është kujdesur për çdo detaj dhe siç shihet edhe nga fotot, festa është 100% e personalizuar për të birin. Ajo ndan herë pas here momente nga koha që kalon me Ammar, i cili duket shumë i dhënë pas pikturës, megjithëse në moshë fare të vogël.
Esmeralda Shkjau u tërhoq nga jeta politike në përfundim të mandatit të shkuar të PS dhe u zhvendos në Emiratet e Bashkuara Arabe, ku ka nisur një jetë të re. Ajo është konsulente biznesi në Dubai, vend ku edhe ka ndërtuar familjen e saj. “Who” i uron edhe qindra Ammar, krah mamit, babit dhe gjithë të dashurve.
