Ka detaje të reja nga ngjarja e rëndë. 2-vjeçarja e cila u dërgua në QSUT më 15 nëntor nga e halla e saj, rezulton që shenjat e djegieve me cigare t’i jenë bërë të paktën 1 javë para se të dërgohej për mjekim. Shenjat janë shkaktuar nga vëllai i saj 9-vjeç.
Djali është marrë në pyetje në praninë e psikologut dhe ka pranuar se ai është shkaktari i shenjave, pa një sqarim të qartë se pse. Në pyetje janë marrë edhe halla dhe prindërit e vajzës.
Shenjat që e mitura ka në trup, për shkak se nuk janë mjekuar për ditë me radhë dhe kruarjeve nga dhimbja, janë përhapur duke u infektuar. Agjentët po përgatisin dokumentacionin për përcjellën e rastit te shërbimi social për heqjen e të drejtës së prindërimit. Familja e saj jeton në kushte të mjerueshme ekonomike.
2-vjeçarja gjendet në shërbimin e reanimacionit të pediatrisë në QSUT dhe gjendja është stabël dhe në monitorim.