Ish-kryeministri Sali Berisha ka folur mbrëmjen e sotme për protestën që do të zhvillohet nesër në selinë e Partisë Demokratike.
Përsa u përket dyerve të hekurta që janë vendosur në seli, ai tha se do të përdoren të gjitha mjetet për t’i hapur ato, ndërsa shtoi se nuk do të preket asnjë nga ata që ndodhen brenda selisë.
“Në mënyrë kategorike nuk pranojmë asnjë akt dhune. Unë po shkoj të hap dyert e shtëpisë time. Do përdoren mjetet që hapin dyert e hekurta, por kjo nuk është dhunë. Eshtë hapje në moral dhe ligj, hapje e derës së shtëpisë tënde. As një qime floku nuk i prekejt kujt. Nuk shkojmë ne të cenojmë njeri. Ai që nuk do që ne të hyjmë aty, është njeriu i shkarkuar nga anëtarësia”, tha Berisha në “Syri” Tv.