Një grup që shpërndante drogë në Tiranë është goditur. Grupi drejtohej nga një çift, të cilët shpërndanin drogë në afërsi të shkollave në Tiranë. Goditja është bërë te Kodra e Diellit, pasi ka qenë një shqetësim shumë i madh i banorëve.
Mësohet se çifti është arrestuar, ndërsa burri Herald Rexhepaj ka qenë drejtuesi i grupit. Në pranga kanë rënë edhe disa të tjerë, ndërsa goditja është bërë pas katër muajsh hetime.
Janë sekuestruar sasi droge në mënyrë të vazhdueshme të shpërndarë në kohë, por në banesë kryesorit të grupit i janë gjetur edhe sot sasi tjetër.