Të gjithë ukrainasve i’u dhimbset vendi i tyre dhe janë të gatshëm të marrin armët dhe të luftojnë për të, përfshirë edhe sportistët. Një rast i tillë është edhe ai i futbollistit Vasyl Kravets i cili luan me Sporting Gijon në Spanjë. Në një intervistë të dhënë për prestigjozen spanjolle “Marca”, Kravets deklaroi se i gatshëm të shkojë në luftë dhe t’i dalë për zot vendit të tij.
“Ata po vrasin njerëz, civil dhe ata në spitale. E gjitha për fajin e Putinit dhe me këtë nuk them që është faji i Rusisë, por i Putinit. Ne jemi një shtet që duam të jetojmë në paqe dhe të mos sulmojmë as edhe një. Unë sinqerisht dua të shkoj në luftë dhe të ndihmoj popullin tim, por unë nuk mund të ndihmoj, sepse nuk di të gjuaj me armë. Por unë sërish dua të ndihmoj dhe, nëse do të ishte e nevojshme do të shkoja të mbroja territorin tim. Është një detyrë për ukrainasit.”, tha ai.