Dhurata Dora dhe artisti francez, Maitre Gims, publikuan ditën e djeshme këngën e tyre më të re, “Only you”. Ndonëse ky projekt u publikua para kohe nga fansat e dyshes, kënga u prit me po të njëjtin kuriozitet nga publiku. Madje me aq kuriorizitet, sa “Only You” ka tejkaluar çdo pritshmëri.
Në vetëm 22 orë nga publikimi kjo këngë arriti mbi 2 milionë klikime. Deri më tani ky rezulton si një nga bashkëpunimet më të suksesshme të këtij viti dhe me siguri do të jetë hiti kryesor i verës. Kënga është në shqip dhe frëngjisht dhe kjo e bën akoma më origjinale. Madje ky kombinimim mes dy zërave dhe gjuhëve të ndryshme ka rezultuar thjesht perfekt!
Nga ana tjetër fansat ishin mësuar me të tilla projekte kaq bombastike nga Dhurata dhe Maitre Gims. Kjo është hera e dytë që dy artistët bashkojnë forcat për një duet, pasi në dhjetor të 2019, ata sollën bashkëpunimin e tyre të parë me titull “Te quiero”.
Sa i përket karrierës artistike të këngëtares shqiptare, kujtojmë se ajo ka qenë një nga artistet më në zë të këtyre viteve të fundit. Herë pas here ajo ka publikuar projekte shumë të suksesshme në bashkëpunim kryesisht me këngëtarë meshkuj. Ndër këto këngë mund të përmendim “Zemër” duet me Soolking, apo projekti muzikor “Fajet” në bashkëpunim me Azet që rezultoi hit i 2020-s.